О многострадальная и премудрая великомучинице Христова Анастасие! Ты душею на небеси у Престола Господня всегда предстоиши, на земли же, данною тебе благодатию различная совершаеши исцеления. Призри убо милостивно на предстоящия люди и молящияся пред мощами твоими, просящия твоея помощи; простри ко Господу святыя молитвы твоя о нас и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшном Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.